1. Ako (Allah) ay nanunumpa sa mga kabayo na tumatakbo na nangangapos (ang hininga),

2. Na kumikiskis ang tilamsik ng apoy (sa kanilang mga paa),

3. At gumagalugad sa pagsalakay sa bukang liwayway,

4. Na nagdulot ng makapal na alikabok sa mga ulap,

5. At nagpupumilit na makapasok sa gitna (ng kaaway);

6. Katotohanan! Ang tao (na walang pananampalataya) ay walang pagtanaw ng utang na loob sa kanyang Panginoon;

7. At siya mismo ay magiging saksi rito (sa pamamagitan ng kanyang mga gawa);

8. At katotohanang siya ay marubdob sa kanyang pagmamahal sa kayamanan.

9. Hindi baga niya batid na kapag ang mga taong nakalibing ay muling bubuhayin.

10. At ang lihim ng dibdib (ng mga tao) ay mabubunyag.

11. Katotohanang sa Araw na ito (alalaong baga, ang Araw ng Muling Pagkabuhay), ang kanilang Panginoon ay Lubos na Nakakaalam sa kanilang mga gawa, at Kanyang babayaran sila (ayon sa kanilang mga gawa).